Mal il dies e numerus mals che vegnan dalla spina dorsala san metter nus nunspitgadamein ord cumbat. Els pretendan nossa pazienzia, cuostan daners e procuran savens che nus stuein star sfurzadamein inactivs. Mal il dies ei in dils motivs ils pli frequents per absenzas al plaz da lavur.

En cass da mal il dies ei il chiropraticher in partenari da discussiun ed in cussegliader ideal. Il sclariment cumplessiv cun diagnosa, il tractament precis e migeivel e la profilaxa da disturbis funcziunals dalla spina dorsala ein las petgas centralas digl accumpignament chiropratic.

Sefidei da nus, sche Vus haveis mal il dies

Grazia a nossa scolaziun ed experientscha sclarin nus a moda sperta ed exacta ils motivs da Vos mals. Nus explichein a Vus a moda capeivla la diagnosa ed ils resultats. Nies tractament ei migeivels, precis ed individuals. Nus mussein a Vus exercezis nizeivels per evitar Vos mals. Nossa finamira ei da mitigar aschi spert sco pusseivel il mal e da gidar Vus a reconquistar Vossa qualitad da viver.