Nossas praticas a Cuera ed a Glion
Nossas duas praticas a Cuera ed a Glion ein adattadas als basegns regiunals differents dils pazients. La sedia principala sesanfla a Cuera. Cheu succedan tut las empremas consultaziuns ed ils sclariments. A nos pazients stattan ils suandonts survetschs a disposiziun:
Sclariment / diagnosa
In indrez da radiografar modern e cumpleinamein digital cun ina colligiaziun specifica per il pazient ed access al server. In’analisa dils peis digitala ed in’analisa dalla spina dorsala cun in apparat MediMouse cumpleteschan la consultaziun clinica.
Tractament
Diversas meisas da tractament selain reglar optimalmein tenor ils basegns individuals dils pazients e possibiliteschan in’intervenziun chiropratica migeivla e specifica.
Nus applichein las suandontas metodas cumprovadas: Activator Technique, Diversified Technique, Drop Technique, Gonstead Technique, Networking, tecnica sacro-occipitala SOT, ASBE Applied Spinal Biomechanical Engineering, metodas craniosacralas, osteopaticas e metodas da tractament specificas digl atlas.
Diversas tecnicas dallas parts lomas sco Active Release Technique (ART) e terapias dils puncts da trigger cumpleteschan las tecnicas manualas. Terapias cun laser, vibromassaschas sco era crioterapias fan part dalla purschida da terapia.
NIEV: cun la terapia cun undas da schoc focussada eis ei pusseivel da tractar irritaziuns dallas terscholas e dils ligioms (p.ex. spina dil calcogn, cumbel da tennis/golf) sco era blessuras dallas musclas (stendidas, scarps da cellas muscularas) a moda fetg efficienta e durabla.
